இணைய நண்பர்களின் சந்திப்பு, கோவையில்...

இணைய நண்பர்களின் சந்திப்பு, கோவையில்....

அன்பின் நண்பர்களுக்கு வரும் ஜீலை 1 (ஒன்றாம்) தேதி
ஞாயிறுகாலை 10.00 மணியளவில் கோவையில் இணைய நண்பர்கள்
சந்திப்பு ஏற்பாடு செய்யப் பட்டுள்ளது. அனைத்து நண்பர்களையும்
வருக, வருக என இனிதே வரவேற்கிறேம்.

சில கேள்வியும் & பதிலும்...

முதலில் இது எதற்க்கு? அவசியம் என்ன?

குழுமங்கள் மற்றும் பல இணைய நண்பர்களின் நீண்ட நாள் சந்திப்புதிட்டம் செயலுக்கு வந்துள்ளது.

யார், யார் கலந்துக்க?

நீங்கள் வலைபதிவராகதான் இருக்கனும் என்று அவசியமில்லை, குழுமங்களில் கலக்குபவராக இருக்கலாம்,
மன்றங்களில் வெழுத்துக் கட்டுபவர்களாக இருக்கலாம், இணைய தளங்களில் ஊக்கத்துடன் பணியாற்றுபவர்களாக
இருக்கலாம். அட அவ்வளவு ஏனுங்க சும்மா நடப்பதை எல்லாம்வேடிக்கை பார்ப்பவராக இருக்கலாம். இணையம்
மற்றும் தமிழ் இவ்விரண்டேநம்மை இணைப்பதாக இருக்கும்.

எதைப் பற்றி பேச?

பல்வேறு தலைப்புகள் குறித்தும் பேசலாம். விரைவில் தலைப்புகள்பட்டியலிட படும்.

அட இன்னமும் கிளம்பலையா...?

சரி சரி நீங்க கேட்பது புரியுது யாரை தொடர்புக் கொள்ளனும் என்பது தானே உங்க கேள்வி...

முத்தமிழ் மஞ்சூர் ராசா - 9443854163

தமிழ்பயணி சிவா - 9894790836

மின்னஞ்சல் முகவரி - vanusuya@gmail.com

வருகை தருபவர்கள் தவறாது முன்னதாக தொடர்புக் கொண்டால் தேவையான வசதிகள் செய்ய உதவியாக இருக்கும்.

இணைய நண்பர்களின் சந்திப்பு, கோவையில்....

அன்புடன்,
ஸ்ரீஷிவ்...

type="text/javascript">&cmt=2&postid=4676262740327835970&blogurl=http://srishiv.blogspot.com/">

செயற்கை கருப்பை - சென்னை மருத்துவமனை சாதனை

பெண்ணுக்கு செயற்கை கருப்பை சென்னை மருத்துவமனை சாதனை

சென்னை : ஓமன் நாட்டைச் சேர்ந்த பெண்ணுக்கு செயற்கை முறையில் கருப்பையை உருவாக்கி, சென்னை ஆகாஷ் குழந்தையின்மை சிகிச்சை மையம் சாதனை படைத்துள்ளது. ஆகாஷ் குழந்தையின்மை மருத்துவமனை டாக்டர் ஜெயராணி காமராஜ் கூறியதாவது: இந்தியாவில் மருத்துவ செலவுகள் குறைவாக இருப்பதால் பல நாட்டவர்களும் சிகிச்சைக்காக இந்தியாவை நோக்கி படையெடுக்கின்றனர். பிறவியிலேயே கருப்பை இல்லாத ஓமன் நாட்டைச் சேர்ந்த முகமது அலி என்பவரது மனைவி சாமியா அலி(30) என்பவர் தனக்கு கருப்பை இல்லை என்றும், ஆனாலும் ஒரு குழந்தையை பெற்றுக் கொள்ள வேண்டும் என்றும், கணவர் விரும்புவதால் செயற்கை முறையில் கருப்பையை உருவாக்கி தர வேண்டும் என்றும் கூறினார். இதையடுத்து, சிறுநீரகவியல் நிபுணர் டாக்டர் ராஜமகேஷ்வரி மற்றும் எனது தலைமையிலான மருத்துவக் குழு, சாமியா அலியை ஆறு மாதங்களாக ஆய்வு செய்தது. பின்னர் சிகிச்சைக்காக தயார் செய்தோம். பொதுவாக ஆயிரத்து 500 பேரில் ஒருவருக்கு பிறவியிலேயே கருப்பை இல்லாத பிரச்னை ஏற்படுகிறது. இவர்களுக்கு மற்ற பெண்களைப்போல் சினைப்பை இருக்கும். இதனால் இவர்கள் மற்ற பெண்களை போல் இயல்பாக இருந்தாலும் குழந்தை பெற்றுக் கொள்ள இயலாது. இந்த பிரச்னைக்கு "முல்லேரியன் டிஸ் ஜெனிசிஸ்' என்று பெயர். கருப்பை இல்லாமல் சினைப்பை மட்டும் உ<ள்ள பெண்கள் குழந்தை பெற்றுக் கொள்ள இயலாதென்பதால், வாடகைத் தாய் மூலம் கணவரின் உயிரணுவை தங்களின் கரு முட்டையுடன் இணைத்து குழந்தை பெற்றுக் கொள்ள முடியும். சாமியா அலிக்கு பரம்பரை காரணமாக குறைபாடு ஏற்படவில்லை என்பதால் சிகிச்சை மூலம் கருப்பையை சீரமைப்பதற்கான அறுவை சிகிச்சை மேற்கொள்ளப்பட்டது. சாமியா அலியின் கருவுறுப்பை ஆய்வு செய்யும் போது இரண்டு கருக்குழாய்களும், சினைப்பையும் இருப்பது தெரியவந்தது. கருப்பை இருக்க வேண்டிய இடத்தில் சிறிய தசை அமைப்பு மட்டுமே இருந்தது. இந்த தசையை மிக நுட்பமாக பிரித்து முழுமையான கருப்பையை நாங்கள் உருவாக்கினோம். இந்த அறுவை சிகிச்சை எட்டு மணி நேரம் நீடித்தது. அறுவை சிகிச்சைக்குப் பின், ஹார்மோன் மருந்துகள், கருப்பையை வளர்ச்சியடையச் செய்யும் மருந்துகள் ஆகியவற்றை செலுத்தி கருப்பை வளர்ச்சியை உறுதி செய்தோம். இதில் 3.6 செ.மீ., அளவில் இருந்து 4.4 செ.மீ., வரை தற்போது கருப்பை வளர்ச்சியடைந்துள்ளது. தற்போது சாமியா அலிக்கு ஒழுங்காக மாதவிலக்கு ஏற்படுவதை தொடர்ந்து, அவரால் குழந்தை பெற்றுக் கொள்ள முடியும். இது போன்ற பிரச்னையுள்ள பல பெண்கள் தற்போது எங்களை அணுகியுள்ளனர். இந்த சிகிச்சை நடந்த விதம் பற்றிய கருத்தரங்கம் வரும் 24ம் தேதி சென்னை வடபழனியிலுள்ள அம்பிகா எம்பையர் ஓட்டலில் நடக்கிறது. இதில் 500க்கும் மேற்பட்ட பல்வேறு துறைகளை சார்ந்த மருத்துவர்கள் பங்கேற்கின்றனர். இதில் தற்போது சிகிச்சை பெற்றுள்ள சாமியா அலியும் தன் கணவருடன் கலந்து கொள்கிறார். இவ்வாறு ஜெயராணி காமராஜ் கூறினார்.

சுட்டி : http://www.dinamalar.com/2007june22/general_tn8.asp

type="text/javascript">&cmt=3&postid=2286874347428711107&blogurl=http://srishiv.blogspot.com/">