திரு.டி.பி.ஆர்.ஜோசப் ஐயா பதிவுகள் பற்றி ஒரு ஆய்வு...

திரும்பிப்பார்க்கிறேன்....:)
இப்படித்தான் ஐயாவின் 168 பதிவுகளையும் நான் சொல்லமுடியும், வாரம் ஒருமுறையாவது மொத்தமாகப்படித்துவிடுவது, மிக அருமையாகக்கொண்டுசெல்கின்றார். என் தந்தையும் ஒரு தலைமை மேலாளர் வங்கியில் என்பதாலோ என்னவோ? ஐயாவின் ஓவ்வொரு பதிவுகளும் அப்படியே என் குடும்பத்தில் ஒருவரைப்பார்ப்பது போன்ற உணர்வு, அவரின் ஒவ்வொரு சூழ்நிலையை எடுத்துச்செல்லும் கைவண்ணம், அடேங்கப்பா...?? அசாத்திய துணிச்சல் ஐயா உங்களுக்கு :), இவ்வளவு திறமையாக எழுதுவது என்பது எல்லோருக்கும் கைவருவது இல்லை.
உண்மை சொன்னால் இனியும் உங்களுக்கு ஒரு வளமான எதிர்காலம் திரைத்திரையிலும் உண்டு, தாங்கள் முயன்றால் தங்களைக்கொத்திச்செல்ல எத்தனையோ இயக்குனர்கள் தங்கள் கதவைத்தட்டுவார்கள் என்ற நம்பிக்கை எனக்கு உண்டு.குறிப்பாக இந்த தூத்துக்குடி பதிவுகள், அவ்வளவு அற்புதம், ஒவ்வொரு குடும்பத்தினையும் எவ்வளவு அற்புதமாக அளவிட்டு வைத்திருக்கின்றீர்கள்? . சில பதிவுகளைப்படிக்கும் சமயம் என் கண்கள் என்னை அறியாமல் நீரை உகுத்து விடுகின்றன. உதாரணம்: விஜயா அம்மாவின் வாழ்க்கை வரலாறு, பாவம் வாழ்ந்து கெட்ட குடும்பம் எப்படி சீரழிந்து நிற்கும் என்பதையும் நான் என் கண்களால் கண்டிருக்கின்றேன். எல்லாமே என் வீட்டுப்பக்கத்தில் பார்த்தமாதிரி ஒரு எண்ணம், மிக்க நன்றி ஐயா, இன்னும் எழுந்துங்கள், இறைவன் உங்களுக்கு எல்லா நலனையும் வளத்தினையும் ஆயுளையும் அருளுமாறு என் அன்றாடப்பிரார்த்தனையில் பிரார்த்திக்கின்றேன், எல்லாம் சரிதான் ஒரே ஒரு சந்தேகம் மட்டும் இறுதியாக....

அது ஏன் உங்கள் பதிவில் திரு.ராகவன் ஐயா, திரு.சிவஞானம் ஜி மற்றும் துளசி அம்மாவின் பின்னூட்டங்களை மட்டும் தேர்வு செய்து போடுகின்றீர்கள்? எனக்குத்தெரிந்து உங்கள் பதிவுகளுக்கு ஒரு தொகை ரசிகர் வாசகப்பட்டாளம் உள்ளது என்பது உள்ளங்கை நெல்லிக்கனி, அப்படி வரும் ரசிகர்களின் பின்னூட்டங்களையும் சில நேரங்களில் பிரசுரியுங்கள் ஐயா, அது அவர்களையும் எழுத உற்சாகமூட்டும் என்பது என் தாழ்மையான கருத்து...:) இதனை பின்னூட்டமாகவே இட்டிருப்பேன் தங்கள் பதிவில், ஆனால் அது பிரசுரமாகி இருக்குமா? என்ற சந்தேகத்தில் ஒரு பதிவாகவே இடுகின்றேன், ஐயா கவனிக்கவும்....:)
என்றென்றும் தங்கள் உண்மையுள்ள,
ஸ்ரீஷிவ்...:)

type="text/javascript">&cmt=10&postid=115243252925184669&blogurl=http://srishiv.blogspot.com/">